Пышнавусы цырульнік Сяржук Цярэньцьевіч Жывёла хавае сьціплую ўсьмешку на грудзях у карэспандэнта "Экс-Бэ".

— Не прызвычаіўся я да ўвагі, — тлумачыць рэкардсмэн. — А вы яшчэ і з фотаапаратам!

— Што вы, Сяржук Цярэнцьевіч! А ну-ка дзяліцеся, колькі настрыглі за сёньняшні дзень?

— Ну, колькі настрыг… Бадай усю нашую вёску і пастрыг, і ўсіх пад нуль.

— І жанчын?

— І іх, а як жа!

— Дык, ці не занадта радыкальна?

— Не-е-е, нашая вёска і ня вёска ўжо, — Сяржук Цярэнцьевіч глыбока зацягваецца цыгарэтай "Вярблюд" вытворчасьці Гарадзенскай тытунёвай фабрыкі, сусьветна-вядомай якасьцю сваёй прадукцыі. — Зь мінулага года нашыя Шырокія Вузкі — сучасны аграгарадок, таму і прычоскі мусяць быць модныя, сьвежыя. Слова “fashion” для мяне — не пусты гук.

І гэта так. Цырульнік Жывёла ня толькі аказаў сёньня палікмахерскія паслугі сваім аднавяскоўцам, але і бясплатна зрабіў актуальныя тату.

Атрасаючы з рук рэшткі навоза (карова трапілася з норавам, на сьпіне у працаўніцы сьлед ад яе капытоў) да нас падыходзяць трактарыстка і даярка ў адной асобе Сьвятланы Кузьмінішны Дрэвапінск.

— Дзякуючы Цярэньцьічу мой імідж зьмяніўся кардынальна. (Кузьмінішна хваліцца нашаму фотакору новенькай, зь іголачкі татушкай — гэта вам не "Малабар"!) З наступнага панядзелка я буду працаваць на Першым музычным канале падменьшчыцай Плюсі Плюшчык.

Вось такія працаўнікі працуюць у аграгарадку Шырокія Вузкі Віцебская вобласьці.